Бугун,

  • USD 11095.31
  • RUB 173.84
  • EUR 10772.44

Москва ва Киев ўртасидаги тинчлик музокаралари Россия қўшинлари Украина ҳудудини тарк этганидан кейингина давом этиши мумкин, дея маълум қилди Украина президенти офиси раҳбари маслаҳатчиси Михаил Подоляк.

Фото: ВисуалРиан

Фото: ВисуалРиан

«Россия кучлари мамлакатни тарк этиши керак, ва шундан кейин тинчлик жараёни қайта бошланиши мумкин бўлади», — деди Подоляк.

Унинг сўзларига кўра, Украина томонидан ён босишлар низога нуқта қўймайди, балки уни бироз вақтга тўхтатиб туради. Ундан кейин, Подолякнинг фикрича, «руслар янгича шиддат билан ўз қуролларини, жонли кучларини кучайтира бошлайди, ўз хатолари устида ишлайди ва янги ҳужум бошлайди».

Маслаҳатчи Ғарбнинг ўт очишни зудлик билан тўхтатиш ҳақидаги даъватларини «жуда ғалати» деб атади, чунки у ҳолда Россия кучлари жанубий ва шарқий Украинадаги «босиб олинган» ҳудудларда қолади, Киев эса буни қабул қилмайди.

17 май куни Германия канцлери Олаф Шольц ва Украина президенти Владимир Зеленский икки томонлама музокаралардан кейин Украинадаги низони тинч йўл билан тартибга солиш шартини маълум қилиб, «Россия томонидан жанговар ҳаракатлар зудлик билан тўхтатилиши ва ҳарбий хизматчилар чиқариб кетилиши» кераклигини таъкидлаганди.

Россия томони музокаралар Украина томони ташаббуси билан тўхтатиб қўйилганини қайд этмоқда. «Тўп тўлиқ улар томонда. Биз мулоқотни давом эттиришга тайёрмиз. Лекин яна бир марта таъкидлайман: тинчлик музокараларини давом эттириш учун тўп Украина томонида. Музокараларни музлатиб қўйиш — батамом Украинанинг ташаббуси», — деди Украина билан музокараларда Россия делегациясига раҳбарлик қилувчи Россия президенти ёрдамчиси Владимир Мединский.

Унинг сўзларига кўра, Россия ҳеч қачон музокаралардан, шу жумладан олий даражадаги мулоқотдан бош тортмаган. Аммо, Мединскийнинг айтишича, икки президентнинг учрашиши учун «жиддий тайёргарлик», хусусан «юқори даражадаги шайлик ҳужжатлари» зарур, улар эса ҳозирча мавжуд эмас.

«Давлат раҳбарлари якуний келишувларга эришиш ва ҳужжатларни имзолаш учун учрашиши керак, суратга тушиш учун эмас», — деди Россия делегацияси раҳбари.

Аввалроқ Россия ташқи ишлар вазири ўринбосари Андрей Руденко айни пайтда Москва ва Киев ўртасида тинчлик музокаралари олиб борилмаётганини маълум қилганди. «Украина аслида музокаралар жараёнидан чиқиб кетган», — деди у ва Киев Россия томонидан тақдим этилган шартнома лойиҳасига ўз жавобини бермаганини қўшиб қўйди.

Музокараларнинг сўнгги юзма-юз раунди Истанбулда апрель бошида бўлиб ўтганди. Унинг якунларига кўра иккала томон музокаралар жараёнида муайян прогрессга эришилганини маълум қилганди. Кўп ўтмай Москва Киевни тутриқсизликда ва келишилган битимлардан оғишга уринишда айблашни бошлади. Украина ҳукумати, ўз навбатида, вақт ўтиши билан Россия армияси жиноятлари ҳақидаги маълумотлар фонида Украина жамияти РФ билан қандайдир битимларга тобора камроқ тайёр бўлиб бораётганини айта бошлади.

Изоҳ
Асосий янгиликлар
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Беш йилда 218 мингдан кўпроқ хонадон. Ўзбекистонда уй-жой муаммоси қандай ҳал этилмоқда?