Аввалроқ Levi Strauss & Cо компанияси Россиядаги фаолиятини вақтинча тўхтатган бўлса, энди у мамлакат бозорини тарк этишга қарор қилди, дея хабар берди «Коммерсантъ».
Компания товарлар етказиб беришни тўхтатган ва чакана бизнес учун харидорларни қидирмоқда.
Шу фонда Америка компаниясининг франчайзинг шериклари Levi’s’нинг мамлакатга параллел импортини йўлга қўйишлари мумкин, — дейди экспертлар.Турк «Fiba Holding» Levi’s дўконларининг Россиядаги потенциал харидорларидан бири (Россияда Gap, Marks & Spencer ва Banana Republic савдо нуқталарини ишлаб чиқади).
Ҳозирда музокаралар олиб борилаётгани даъво қилинмоқда, аммо принципиал келишувга ҳали эришилмаган.
Бугунги кунда мамлакатда 90 га яқин Levi’s савдо нуқталари мавжуд бўлиб, уларнинг баъзилари франчайзинг бўлиши мумкин.
CОRЕ.ХP чакана савдо бўлими раҳбари Марина Малахатко компания учун харидор топиш жуда қийин бўлишини тахмин қилмоқда.
«Franshiza.ru» эксперти Анна Рождественскаянинг қўшимча қилишича, франчайзинг дўконлари юридик жиҳатдан мустақил бўлиб, улар битим туза олмайди.
Михаил Бурмистровнинг фикрича, агар тижорий консессия шартномаси уларга параллел импорт билан шуғулланишни тақиқламаса, Levi’s шериклари бренднинг мамлакатни тарк этиши сабабли асосий фойда олувчиларга айланиши мумкин.
Сўнгги пайтларда хорижий тармоқлар кескинлашган геосиёсий вазият фонида Россияда ишлаш стратегиясини фаол равишда қайта кўриб чиқмоқда.
Аввалроқ Россияни тарк этаётган халқаро компанияларда 200 мингга яқин ходим ишлаши ҳақида хабар берилган эди.
Изоҳ (0)