Ўзбекистонда бир рубль Марказий банк курси бўйича деярли 190 сўмга етиб қолди. Бу яна бир рекорд – Россия валютаси ҳеч қачон бунчалик қиммат бўлмаган.
Нега рубль ўсиб бормоқда?
Таҳлилчилар апрель ойининг бошидан бери рублни «чизилган пул бирлиги» деб аташди ва рублни мустаҳкамлаш учун иқтисодий асослар йўқлиги ҳақида ўнлаб мақолалар ёзди.
Рубль билан содир бўлаётган воқеаларнинг асосий сабаби — Россия иқтисодиётининг тобора кучайиб бораётган изоляцияси.
Рубльнинг кучайиш сабаблари бошиданоқ аниқ эди — бу импортнинг қулаши ва чет эл валютасини сотиб олишнинг қаттиқ чекловлари фонида пул кўринишида экспортнинг тез ўсиши.
Февраль ойининг охиридан бошлаб экспортчилар валюта тушумларининг 80 фоизини сотишлари шарт, хом ашё нархи эса ошиб бормоқда. Россиянинг жорий ҳисобидаги профицит апрель ойидаги энг юқори кўрсаткич бўлди.
Март—апрель ойлари учун экспорт ва импорт динамикаси бўйича ишончли рақамлар йўқ — апрель ойидан бошлаб Россия Федерал божхона хизмати ташқи савдо маълумотларини нашр этишни тўхтатди.
Рубльнинг мустаҳкамланишининг реал сабабларидан бири — Россия газини рублига сотиб олишга тайёрлигини билдирган мамлакатлар сони ўсиши. Бироқ бу ерда ҳам ҳамма нарса силлиқ кечмаяпти — Россия бундай талаблар учун судга тортилмоқда.
Bloomberg рублни долларга нисбатан мустаҳкамланиши бўйича 2022 йилнинг энг яхши валютаси деб атади, бироқ мустаҳкамланиш қаттиқ валюта назорати билан боғлиқлигини ва Россия иқтисодиётидаги реал вазиятни акс эттирмаслигини таъкидлади.
Апрель ойида Financial Times ҳам шу ҳақда ёзган эди.
Россия Ҳисоб палатаси раиси Алексей Кудрин таъкидлаганидек, «Рубль энди эркин конвертация қилинадиган валюта эмас. Шу боис, масалан, ҳеч ким Марказий банк курси бўйича рублни сотиб олмайди — Ўзбекистон банкларида уни 147 сўмга (деярли 40 сўм арзонга) сотиб олишга тайёр».
Аввалроқ Россия билан рублда савдо қилиш Ўзбекистон учун катта хавф туғдирмаслиги ҳақида хабар берилган эди.
Изоҳ (0)