Финляндиянинг Gasum давлат энергетика компанияси Россия томонининг газ учун рублда тўлаш талаблари туфайли ҳакамлик судига мурожаат қилади. У, шунингдек, бундай шартлар асосида савдо операцияларини ўтказишдан бош тортишини эълон қилди.
Gasum рубль ҳисоб-китобларига ўтиш таклифини қабул қилмайди. Бундан ташқари, компаниялар ўртасида келишув бўйича илгари сурилган бошқа талаблар бўйича жиддий келишмовчиликлар мавжуд, — дейилади компания расмий сайтида эълон қилинган пресс-релизда.
Gasum вакилларининг таъкидлашича, бундай вазиятда компания «шартномани ҳакамлик судига топширишдан бошқа иложи қолмаган», чунки «Газпром»нинг талаби Финляндия истеъмолчилари манфаатларига зиддир.
Улар «Газпром»нинг рублда экспорт операцияларини амалга ошириш бўйича бир томонлама сўрови компаниялар ўртасида 2021 йил кузида тузилган шартнома шартларига тўғри келмаслигини таъкидладилар.
Россия президенти Владимир Путин 31 март куни «дўст бўлмаган мамлакатлар»га газ етказиб бериш учун тўловларни рублга ўтказиш тўғрисидаги фармонни имзолади.
Янгиланган шартларга рози бўлмагани учун бир қатор Европа энергетика компаниялари Россия билан ҳамкорлик қилишдан бош тортди.
Аввалроқ Европа Россия газини санкцияларни бузмасдан сотиб олиш режасини ишлаб чиққани ҳақида хабар берилган эди.
Изоҳ (0)