Бешта вазн дивизионида собиқ Жаҳон чемпиони Флойд Мейвезер 21 май куни БААда ўзининг собиқ спарринг рақиби Дон Мурга қарши кўргазмали жангда иштирок этди.
Жанг тўлиқ 8 раунд давом этди. Унда Флойд рақибини бир неча марта нокдаун ҳолатига туширди. Якунда ҳакамлар ғолиб номини эълон қилмади.
Аввалроқ мазкур жанг БАА президенти Халифа ибн Зайд ал-Наҳаённинг вафоти сабаб 14 майдан 21 майга кўчирилганди. Кейинчалик мазкур беллашув октябрь ойида бўлиб ўтиши мумкинлиги ҳақида ҳам хабарлар янгради.
Мейвезер 2021 йилнинг июнида блогер Логан Полга қарши кўргазмали жангда иштирок этганди. Унда ҳам ғолиб номи аниқланмаганди.
Изоҳ (0)