Андижон шаҳри СЭГ нефть-газ компанияси мутахассислари ликвидацияга учраган жамғармани ўзлаштириб, нефть қазиб олиш ҳажмини 25 фоизга оширишга муваффақ бўлишди.
Ўтган ой давомида СЭГ нефть-газ компаниясининг Андижон бўлинмаси томонидан Фарғона водийсидаги иккита конида 14 та қудуқ эксплуатацияга қайтарилди ва суткалик нефть қазиб олиш кўрсаткичлари 180 тоннадан 240—260 тоннага оширилди. Гап «Хўжаобод» ва «Хўжаосмон» конлари ҳақида. Иккала конда ҳам қудуқлар захираси 1990 йилларнинг охирида ликвидацияга учраган. Андижон вилоятида 1900—2100 метр чуқурликда ер ости газ омбори қурилиши муносабати билан «Хўжаобод» (Хўжаобод тумани) қудуқлари қуриб битказилган эди. «Хўжаосмон» конининг сўнгги қудуғи эса (Марҳамат тумани) 1998 йилда сув тошқини ва йўл-транспорт инфратузилмаси туфайли тугатилган.
«Бугунги кунда СЭГнинг асосий мақсадларидан бири, нефть қазиб олишда ўсиш жараёни барқарорлигидир. Бу ҳақда Ўзбекистон Республикасининг нефть қазиб олишни кўпайтириш стратегиясида кўрсатилган бўлиб, уни амалга ошириш бўйича асосий оператор бизнинг компаниямиз. 2019 йил охирида Ўзбекистондаги деярли барча нефть конлари бизга ўтказилгандан сўнг, биз қазиб чиқаришни йилига 425 минг тоннадан 500 минг тоннага оширишга муваффақ бўлдик. Жумладан, бунга ишга ёндашувни ўзгартириш, мукаммал жаҳон технологияларидан фойдаланиш ва самарадорли пудратчиларни жалб қилиш орқали эришдик. Андижон вилоятидаги икки коннинг ишга туширилиши ва қазиш ишлари кунига ўртача 70 тоннага кўпайиши ҳисобига мамлакатимизга энди ҳар куни 23 минг литрдан ортиқ бензин етказиб беришимиз мумкин. Эслатиб ўтамиз, иккала конда ҳам сув оқими жуда яхши кўрсаткичларга эга, яъни ишлаб чиқарилган суюқликдаги сув миқдори Андижон бўлинмаси бўйича бу кўрсаткичлар 85 фоиздан 90 фоизгача ўзгариб турса, «Хўжаобод» ва «Хўжаосмон» конларида улар мос равишда 75 фоиз ва 60 фоиз даражасидадир. 2030 йилга бориб, нефть қазиб олиш ҳажмини босқичма-босқич 1,6 миллион тоннага етказиш мақсадида, қазиш ишлари ўсиш кўрсаткичларини ошириш бўйича саъй-ҳаракатларни давом эттирамиз», — дейди Тўлқин СЭГ компаниясининг ижрочи директори.
ГРДC илмий-техник компаниясининг мутахассислари маълумотларига кўра (конларни ўзлаштириш бўйича СЭГ ҳамкори), йил бошига «Хўжаобод» конининг жорий қазиб олинадиган захиралари 340 минг тонна нефтни ташкил қилди, захираси эса 340 минг тоннани ташкил қилди. «Хўжаосмон» кони эса 3 минг тоннани ташкил қилди.
Компания ҳақида маълумот
«Саноат Энергетика Гуруҳи» МЧЖ ХК СЭГ (2021 йил ноябригача Jizzakh Petroleum деб аталган) Ўзбекистон Республикаси Президентининг 2017 йил 3 майдаги ПҚ 2949-сонли қарорига асосан 2017 йилда ташкил этилган. Компания углеводород хом ашёсини чуқур қайта ишлаш ва юқори сифатли нефть маҳсулотларини ишлаб чиқариш бўйича мамлакатимиз ишлаб чиқариш қувватларини кенгайтириш, шунингдек, Ўзбекистон нефть-газ саноатининг экспорт салоҳиятини ошириш мақсадида тузилган.
2019 йилда Ўзбекистон Республикаси Вазирлар Маҳкамасининг 1002-сонли 15.12.2019 йилдаги «Ўзлаштирилиши қийин бўлган конлардан нефть қазиб олиш ва углеводородларни қайта ишлаш ҳажмини янада ошириш чора-тадбирлари тўғрисида»ги қарорига мувофиқ, компания 2020—2030 йилларга мўлжалланган нефть ишлаб чиқаришни кўпайтириш дастури ижрочиси бўлиб тайинланди. Бугунги кунда компанияга 103 та кон бўйича ер қаъридан фойдаланиш ҳуқуқи, геология-қидирув ва фойдали қазилмаларни қазиб олиш учун ер қаъри участкаларидан фойдаланиш ҳуқуқига лицензияларни тегишли рўйхатдан ўтказган ҳолда, шунингдек, тегишли кон ва ер участкаларини расмийлаштирган ҳолда СЭГга ўтказилди.
СЭГ нефть-газ компанияси бўлиб, Ўзбекистон Республикасида нефть қазиб олишнинг қарийб 80 фоизини ташкил қилади. 2021 йилда қазиб чиқаришнинг умумий ҳажми 498,9 минг тонна нефтни ташкил қилди ва газ 401 миллион куб метрни ташкил қилди. 2021 йилда компания томонидан ички бозорда 285 минг тоннадан ортиқ дизель ёқилғиси ва 209 минг тоннадан ортиқ турли маркадаги автомобиль бензини сотилди. Компанияда 3300 дан ортиқ ходим ишлайди. Қазиб чиқариш цехлари Қарши, Муборак ва Андижонда жойлашган.
Вазирлар Маҳкамасининг 2020 йил 7 февралдаги 67-сонли компания «Фарғона нефтни қайта ишлаш заводи» МЧЖ қувватларидан самарали фойдаланиш ва заводни модернизация қилишни амалга ошириш чора-тадбирлари тўғрисида»ги гарорига асосан, «Фарғона нефтни қайта ишлаш» масъулияти чекланган жамиятининг ишончли вакили сифатида 100 фоиз давлат улуши билан жалб этиш таклифи тасдиқланди. Корхонани модернизация қилиш бўйича умумий қиймати 400 миллион АҚШ доллари бўлган кенг кўламли лойиҳани амалга оширмоқда.
Компаниянинг асосий вазифаси Ўзбекистон Республикаси аҳолиси ва корхоналарини жадал ривожланаётган иқтисодиёт ва ўсиб бораётган истеъмол шароитида юқори сифатли энергия ресурслари билан таъминлашдан иборат.
Реклама ҳуқуқи асосида.
Изоҳ (0)