Мегаспорт ассоциацияси спортчилари кикбоксинг бўйича VII очиқ Жаҳон кубогида бешта медални қўлга киритди

13 май куни Истанбулда 45 давлатдан 3000 нафар спортчи иштирок этган кикбоксинг бўйича очиқ Жаҳон чемпионати бўлиб ўтди.

Ўзбекистонлик спортчилар турли ёш тоифаларида 33 та — 8 та олтин, 13 та кумуш ва 12 та бронза медалларини қўлга киритиб, совринли ўринларни эгаллашди. Шундан бештасини Мегаспорт ассоциацияси спортчилар жамоаси қўлга киритди.

Абдуллажон Йўлчибоев олтин, Мурод Мустафин ва Муҳаммадамин Ғуломов кумуш медални қўлга киритган бўлса, Бобурбек Баҳодиров бирданига иккита йўналиш бўйича иккита бронза медалининг фахрий соҳибига айланди.

Таъкидлаш жоизки, AKFA Group танловда Мегаспорт ассоциацияси ҳамкори ва бош ҳомийси сифатида иштирок этиб, ёш мутахассисларни қўллаб-қувватлади.

«Бундай юксак савиядаги турнир спортчиларимиз учун муҳим воқеадир. Мегаспорт ассоциацияси, Ўзбекистон кикбоксинг ассоциацияси номидан барча мухлисларимизга, шунингдек, AKFA Group вакили бўлган ҳамкор ва бош ҳомийга ғалабамизга бўлган ишончи ва қўллаб-қувватлагани учун миннатдорчилик билдирамиз. Биз учун ватанимиз байроғи остида, халқаро миқёсда юқори натижаларни кўрсатиш шарафдир», — дейди Мегаспорт ассоциацияси президенти Даврон Қодиров.

Akfa Group бундай спорт тадбирларини қўллаб-қувватлаш муҳим деб ҳисоблайди ва фурсатдан фойдаланиб, чемпионларни муносиб ғалаба билан табриклайди.

Реклама ҳуқуқи асосида.