Ўзбекистонда миллий маҳсулотларни биржада кўпайтириш бўйича янги тизим жорий этилади

Шавкат Мирзиёев раислигида ўтаётган йиғилишда биржа савдоларида миллий маҳсулотларни кўпайтириш бўйича янги тизим жорий этилади.

Янги тизим бўйича:

• туман ҳокими ғалла етиштирувчи фермер ва кластерлар кесимида буғдойни биржага олиб чиқиш ойма-ой режасини ишлаб чиқади;
• туман ҳокими ва Савдо-саноат палатасининг туман бўлими ушбу фермер ва кластерларни биржада рўйхатдан ўтказишни ташкиллаштиради;
• тадбиркорга қулай бўлиши учун Савдо-саноат палатаси туман бўлимида биржа савдо майдончаси ташкил этилади;
• ушбу савдо майдончасида тадбиркор, фермер ва кластерларга биржа ҳужжатларини расмийлаштиришга кўмаклашилади;
• улар шу жойнинг ўзида биржа савдоларида иштирок этишга ўқитилади;
• фермерларга буғдойни биржага қўйганда гаров талаб этилмайди.

Сотилган маҳсулотга биржа томонидан бир кунда тўлов амалга оширилади. Бунда фермерга тўловларни ўз вақтида ва тўлиқ келиб тушишини биржа кафолатлайди.

«Бу янги тизим фермер ва кластерларга мактаб, ҳокимларга эса синов бўлади», – деди президент.