Ижтимоий тармоқларда Тошкент шаҳридаги 21-сонли Меҳрибонлик уйи тарбияланувчилари мутасаддилардан ёрдам сўраб мурожаат қилгани акс этган видеолавҳа тарқалганди. Бош прокуратура мазкур намойиш уюштирилган бўлиб чиққанини маълум қилди.
Ҳаёт Шамсутдиновнинг «Дарё»га маълумот беришича, мазкур хабардан сўнг Юнусобод тумани прокурори раҳбарлигидаги ишчи гуруҳ меҳрибонлик уйи фаолиятини текширган.
«Текшириш давомида муассасада носоғлом ва қониқарсиз муҳит туфайли айрим тарбияланувчиларда норозилик кайфияти пайдо бўлгани ва намойиш уюштирилгани аниқланди. Шу сабабли 2022 йилнинг 26 апрель куни 21-сонли Меҳрибонлик уйи директори билан тузилган меҳнат шартномаси бекор қилинди», — дейилади Бош прокуратура ахборот хизмати маълумотида.
Қўшимча қилинишича, текшириш давомида муассасада мансабдор ва моддий жавобгар шахсларнинг ноқонуний хатти-ҳаракатлари оқибатида ўзганинг кўп миқдордаги маблағларини ўзлаштириш ва растрата қилиш йўли билан талон-торож қилингани маълум бўлган.
«Мазкур ҳолат юзасидан 2022 йилнинг 16 май куни Жиноят кодексининг 167-моддаси (ўзлаштириш ёки растрата йўли билан талон-торож қилиш), 205-моддаси (ҳокимият ёки мансаб ваколатини суиистеъмол қилиш) ва 207-моддаси (мансабга совуққонлик билан қараш) билан жиноят иши қўзғатилган.
Изоҳ (0)