Европа Комиссияси (EK) бутун жаҳон иқтисодиёти ва алоҳида мамлакатлар иқтисодиётининг ўсиш истиқболларини баҳолаган ҳолда янгиланган прогнозни тақдим этди.
2022 йилда жаҳон ялпи ички маҳсулотининг ўсиши бўйича кутилмалар олдинги 5,7 фоиздан 3,2 фоизга туширилди (келгуси йилда 3,5 фоиз ўсиш кутилмоқда, бу тахмин ўзгаришсиз қолди).
ЙК энергия таъминотига юқори даражада қарамлик, Россия ва Украинага географик яқинлик туфайли инқирознинг иқтисодий оқибатлари энг оғири Европа мамлакатларида бўлишини тан олди.
Евроҳудуд учун прогноз 4 фоиздан 2,7 фоизга туширилди. Келгуси йилда бу кўрсаткич 2,7 фоиздан 2,3 фоизгача секинлашиши мумкин.
Умуман олганда, Европа Иттифоқи учун прогноз ҳам худди шундай. Валюта блокидаги инфляция 2021 йилдаги 2,6 фоиздан бу йил 6,1 фоизга тезлашиши ва 2023 йилда 2,7 фоизгача секинлашиши кутилмоқда.
Шу билан бирга, ишсизлик пасайишда давом этади ва умумий бюджет тақчиллиги ҳам ўтган йилги 4,7 фоиздан бу йил 3,6 фоизга тушиши керак.
2022—2023 йилларда Европа Иттифоқида энергия нархининг ошишига қарши курашиш ва гуманитар инқирозни бартараф этиш учун қўшимча харажатлар ялпи ички маҳсулотнинг мос равишда 0,6 ва 0,1 фоизини ташкил этади.
Кутилганидек, комиссия экспертлари Россия учун ҳам прогнозни қайта кўриб чиқдилар. Улар бу йил ялпи ички маҳсулотнинг 10,4 фоизга пасайишини, 2023 йилда эса 1,5 фоизга тикланишини тахмин қилмоқдалар.
Аввалроқ Украинадаги уруш Ўзбекистон иқтисодиётига таъсири ҳақида хабар берилган эди.
Изоҳ (0)