Март апрель ойларида Россияда бандлик хизматларида расман рўйхатга олинган ишсизлар сони қарийб 4 минг кишидан ошди. Бу ҳақда Forbes хабар бермоқда.
Бу 2022 йил 1 март билан солиштирганда 5 май ҳолатига кўра маълумотлар.
Шу давр мобайнида Россиянинг Украинадаги «махсус ҳарбий операцияси» давом этди, бунга жавобан АҚШ, Буюк Британия, Европа Иттифоқи ва бошқа бир қатор давлатлар санкциялар киритди.
Олдин Россия бундай тенденцияга дуч келмаган, — деди Россия бош вазир ўринбосари Татяна Голикова.
Меҳнат вазири Антон Котяковга кўра, ҳозирда 690,5 минг киши расман ишсиз сифатида рўйхатга олинган.
У май ойи бошида Россияда ишсиз 3,1 миллион одам борлигини ва уларнинг сони ўсмаётгани ҳақида хабар берган эди.
Иш билан таъминлаш режимларининг ўзгариши тўғрисида ҳокимиятни хабардор қилган ташкилотлар сони ҳам расман ўзгарди – 3600 тага кўпайиб, 43900 тага етди, — деди Голикова.
«Махсус ҳарбий операция» бошлангандан сўнг, бир нечта йирик хорижий компаниялар ишни тўхтатиб туриш ёки Россиядан бутунлай чиқиб кетиши ҳақида эълон қилди.
Бу жараён натижасида ишсизликнинг олдини олиш ҳукуматнинг устувор вазифасидир, — деди президент матбуот котиби Дмитрий Песков.
Bloomberg апрель ойида Россияда ишсизлик икки баравар яъни 9 фоиздан ошиб кетишини тахмин қилган эди.
Изоҳ (0)