Футбол бўйича Англия Премьер Лигасининг 37-туридан ўрин олган ўйинда «Арсенал» 16 май, душанба «Ньюкасл» билан баҳс юритди.
«Ньюкасл» мезбонлигида ўтган баҳс мезбонларнинг 2:0 ҳисобидаги ғалабаси билан якунланди. 55-дақиқада Бен Уайт ўз дарвозасига гол киритиб қўйди ва ҳисобнинг очилишига сабабчи бўлди. Учрашув якунланиши арафасида эса Бруно Гимараэс ҳисобни ишончли кўринишга олиб келди.
Шу тариқа «Арсенал» сафарда кечган баҳсда кутилмаганда мағлубиятга учради. «Тўпчилар» чемпионат якунланишига бир тур қолганида Чемпионлар Лигаси йўлланмаси масаласини қийинлаштирди. Жамоа 4-ўриндаги «Тоттенҳэм»дан 2 очкога ортда бормоқда. Агар «Тоттенҳэм» сўнгги турда ғалаба қозонса, «Арсенал» Чемпионлар Лигасига чиқа олмайди. «Шпорлар» дуранг ўйнаган тақдирда эса Микель Артета жамоаси «Эвертон»га қарши баҳсда 16 та тўп фарқи билан ғалаба қозониши керак. Ҳисобида 46 очко бўлган «Ньюкасл» 12-поғонани банд қилган.
АПЛ
37-тур баҳси
16 май, душанба
«Ньюкасл» — «Арсенал» 2:0
Голлар: 1:0 – 55, автогол Уайт, 2:0 – 85 Бруно Гимараэс.«Ньюкасл»: Дубравка, Крафт, Шер (Ласселс, 49), Берн, Таргетт, Бруно Гимараэс, Лонгстафф, Альмирон (Мерфи, 76), Сен-Максимен (Фрэйзер, 77), Уилсон, Жоэлинтон.
«Арсенал»: Рэмсдейл, Томиясу (Соареш, 39), Габриэль (Пепе, 73), Уайт, Нуну Тавареш (Ляказетт, 62), Жака, эн-Ненни, Эдегор, Смит-Роу (Мартинелли, 53), Нкетиа, Сака.
Огоҳлантиришлар: Уайт (8), Нкетиа (46).
Изоҳ (0)