Куни кеча Қорақалпоғистонда «Ёшлар овози» танловининг республика босқичига старт берилгани ҳақида хабар берилганди. Унда иштирокчилар бахшичилик, опера, эстрада ҳамда анъанавий санъат йўналишлари бўйича маҳоратини кўрсатиб, ўз ёш доираларидаги рақобатчилар билан беллашди.
Бугун, 14 май куни финал босқичининг барча йўналишлари бўйича саралаш жараёнлари тугатилди.
Танлов иштирокчиларини саралашга қуйидаги ҳайъат аъзолари жалб этилган:- Ўзбекистон халқ артисти, Ўзбекистон Қаҳрамони Муножот Йўлчиева;
- Ўзбекистон халқ артисти Исмоил Жалилов;
- «Ниҳол» мукофоти совриндори, Халқаро бахшичилик фестивали ғолиби Ферузбек Норматов;
- «Дўстлик» ордени соҳиби, хонанда Акбар Атамуҳаммедов;
- Зулфия номидаги давлат мукофоти совриндори, «Шуҳрат» медали соҳибаси Ширин Маматова.
Танловда биринчиликни қўлга киритган тўрт йўналишнинг 12 нафар иштирокчиси 50 миллион сўм, иккинчи ўрин ғолиби 30 миллион сўм, 3-ўрин эгалари 20 миллион сўм пул мукофоти билан тақдирланади.
Шу босқичгача етиб келган, бироқ ўрин олмаган ҳар бир иштирокчи 10 миллион сўм пул ютуғига эга бўлади.
Изоҳ (0)