Голливуд афсонаси Мерилин Монронинг портрети 195 млн долларга сотилди ва картина ХХ асрнинг энг қиммат асарига айланди

Рассом Энди Уорхолнинг 1964 йилдаги энг машҳур портретларидан бири ХХ асрнинг энг қиммат санъат асарига айланди. Поп-арт дурдонаси саналган Shot Sage Blue Marilyn — Мерилин Монро портрети Christie’s аукционида 195 миллион долларга сотилди ва бир нечта рекордларни янгилади. У 450 миллион долларга сотилган Леонардо да Винчининг «Дунё қутқарувчиси» асарига етакчиликни бой бериб, дунёдаги иккинчи энг қиммат асарга айланди, деб ёзади People Talk.

Поп-арт қироли Энди Уорхолнинг Мерилин Монро портрети машҳур «Кемпбеллнинг шўрва қутилари» билан биргаликда энг таниқли асарлар орасидан жой олди. Суратнинг сотувидан тушган маблағ Цюрихдаги Томас ва Дорис Амманнларнинг фарзандларига ёрдам бериш учун хайрия жамғармасига ўтказилади. Актрисанинг портрети Энди Уорхолнинг бошқа асарлари сингари ипак графикли техникадан фойдаланган ҳолда яратилган. Илгари Уорхолнинг энг қиммат картинаси «Кумуш машина ҳалокати» бўлиб, у Sotheby’s’да 104,5 миллион долларга сотилган.