Адвокат ва автоблогер Камолиддин Баҳавадинов «Маҳалла» телеканалининг «Минбар» кўрсатувида чиқиш қилиб, «тонировка» масаласида ҳақли саволларни ўртага ташлади.
«Ўзбекистонда ‘тонировка’ мумкинми ёки мумкин эмасми? Жуда кўп давлатларда мумкин ёки мумкин эмас деган тоифага ажратилади. Пуллик ёки текин деган гаплар йўқ. Мумкин бўлса, меъёр белгиланган. Сиз шу меъёр даражасида машина ойнасини бемалол қорайтиришингиз ва ҳаракатланиб юришингиз мумкин. Мумкин бўлмаса, тақиқ, тамом. Уни Али ҳам, Вали ҳам қорайтириши мумкин эмас. Қонун ҳаммага тенг. Бу бизнинг конституциямизда ҳам белгиланган. Демакки, ҳар бир инсон ўз мулкидан хоҳлаганча фойдаланиши мумкин. Фақат бу бошқалар ва давлат манфаатларига путур етказмаса бўлди, деган талаб бор», — дейди Камолиддин Баҳавадинов.
Автоблогернинг айтишича, Ўзбекистонда «тонировка» учун белгиланган нархлар жуда баланд.
« ‘Тонировка’ нархи ҳақида гапирадиган бўлсак, нарх аввал жудаям баланд эди. Образли қилиб айтадиган бўлсак, кейинчалик раҳм қилишиб, орқа ойналарни қорайтириш нархларини пасайтиришди. Олди айланма тонировка нархи эса, бугунги кунда ҳам жуда баланд нахрда, шахсан мен учун космик нархда. Бугунги кундаги ўртача ойлик иш ҳақини ҳисобга олганда ҳам жуда қиммат. Ҳайдовчи ёзда бироз ўзини қулай ҳис қилиши учун олти ойлик маошини емай-ичмай ‘тонировка’ рухсатномаси учун тўлаши шахсан мен учун мантиқсизлик. Инсон ҳуқуқларини очиқдан очиқ поймол қилиш», — дейди автоблогер.
Изоҳ (0)