«Астон Вилла» 20 миллион евро эвазига «Барселона» ярим ҳимоячиси Филиппе Коутиньони харид қилди.
Инглиз жамоаси бразилиялик футболчи билан 2026 йилгача мўлжалланган шартнома имзолади. «Астон Вилла» келишув нархини ошкор этмади, аммо каталонияликлар ушбу трансфердан 20 миллион евро ва футболчининг кейинги сотувидан 50% улуш олишини маълум қилди.
Филиппе январь ойида ижара асосида «Астов Вилла» сафига бориб қўшилган эди. Коутиньо АПЛда 16 ўйинда иштирок этиб, 4 та гол ва 3 та голли узатмани амалга оширди.
Эслатиб ўтамиз, бразилиялик 2018 йил январь ойида «Ливерпуль»дан «Барселона»га ўтган эди. «Кўк-анорранглилар» ярим ҳимоячи учун 120+40 миллион евро тўлаган. 29 ёшли футболчи каталонияликлар билан Ла Лига ва Испания Кубоги, шунингдек, мамлакат Суперкубогида зафар қучган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)