Tailand hukumati iyun oyida aholiga uy sharoitida yetishtirish uchun bir million tup kannabisni bepul tarqatadi. Bu haqda qirollik sog‘liqni saqlash vaziri Anutin Charnvirakul bayonotiga tayanib, CNN xabar berdi.
Mehnatga layoqatli aholining uchdan bir qismi qishloq xo‘jaligi bilan shug‘ullanadigan Tailandda hukumat daromad manbai sifatida kannabis yetishtirishni faol targ‘ib qilmoqda, deb ta’kidlaydi CNN. Sog‘liqni saqlash vazirining so‘zlariga ko‘ra, marixuana va kanop yetishtirish aholiga va mamlakat budjetiga yiliga 10 milliard bat (taxminan 288 million AQSH dollari) dan ortiq qo‘shimcha daromad keltirishi mumkin.
Tailand 2018-yilda tibbiy marixuanani qonuniylashtirgan Janubi-Sharqiy Osiyodagi birinchi davlat bo‘ldi. Tailandda marixuanani vaqtichog‘lik maqsadida ishlatish va sotish hanuz noqonuniy hisoblanadi va bu uzoq muddatli qamoq jazosi bilan jazolanadi.
Izoh (0)