Хоразм вилояти Урганч шаҳрида Lada ва Isuzu тўқнашди, дея хабар бермоқда ЙҲХХ ахборот хизмати.
Маълум қилинишича, 2022 йил 12 май куни соат 14:30 ларда Хоразм вилояти Урганч шаҳри Ал-Хоразмий–Шерозий–Ғафур Ғулом кўчалари кесишган чорраҳада ҳайдовчи А.А. бошқарувидаги Lada-2194 русумли ҳамда ҳайдовчи А.М. бошқарувида бўлган Isuzu русумли автобус иштирокида тўқнашув содир бўлган.
Оқибатда автобус йўловчилари М.М. (1961 йилда туғилган) ҳамда М.Ў. (2000 йилда туғилган) тан жароҳати билан воқеа жойида вафот этган.
Шунингдек, Lada-2194 русумли автомобиль ҳайдовчиси олган тан жароҳати билан шифохонага ётқизилган.
Мазкур ЙТҲ юзасидан Урганч шаҳар ИИО ФМБ ҳузуридаги ТБ томонидан терговга қадар суриштирув ишлари олиб борилмоқда.
Изоҳ (0)