Бугун,

  • USD 11095.31
  • RUB 173.84
  • EUR 10772.44

Тошкент шаҳрининг Юнусобод ҳамда Фарғона вилоятининг Данғара туманларида электр энергия ва газ таъминотига ноқонуний уланиш ҳолатлари аниқланди, деб хабар беради Бош прокуратура ҳузуридаги департамент.

Маълум қилинишича, департаментнинг Юнусобод тумани бўлими томонидан терговга қадар текширув ўтказилган. Текширув давомида «Ҳудудгаз Пойтахт» газ таъминоти филиали ходимлари томонидан фуқаро М.Б. «Ҳамкоробод» МФЙ ҳудудида қурилган иссиқхонасида ўзбошимчалик билан 80 метрли резина шланг орқали табиий газ тармоғига уланиб олган ва бунинг натижасида 118,4 миллион сўм зарар етказилгани аниқланган. Бироқ фуқаро М.Б. «Юнусобод тумангаз» ГТМ бўлими чилангари О.Х. билан ўзаро келишиб, гўёки 15 кун олдин текшириш ўтказилгани юзасидан қалбаки далолатнома расмийлаштиргани маълум бўлган.

Шунингдек, департаментнинг Данғара тумани бўлими томонидан ўтказилган терговга қадар текширувда «М.» МЧЖ мансабдор шахслари экин ерларини суғориш учун ҳудуддаги трансформаторга 55 киловатт қувватли сув насосини ўзбошимчалик билан улаб, электр энергиясидан ноқонуний фойдаланиб, туман электр таъминоти корхонаси манфаатларига 102,9 млн сўм зарар етказилганлиги аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

Аввалроқ Энергетика вазирлиги қарийб 1,5 млн хонадоннинг 1 кунлик истеъмолига тенг газдан ноқонуний фойдаланилганини аниқлангани, Ўзбекистонда 2022 йил бошидан бери 25,8 млрд сўмлик газдан ноқонуний фойдаланилгани тўғрисида хабар берилганди.

Изоҳ
Asosiy yangiliklar
Дунё
Украина 2 та аэродромга дронлар билан зарба беришга уринди — Россия Мудофаа вазирлиги
Маҳаллий
Ўзбекистонда ноябрь ойида қанча чақалоқ туғилгани маълум бўлди
Маҳаллий
«Меҳнати кўп бўлса-да, маоши кам, олган пули ҳалол бўлсин». Жамоатчилик электр монтёрларни олқишламоқда