Тошкент шаҳрида йўналишлар тармоғини мақбуллаштириш, йўловчиларга кўрсатилаётган транспорт хизматлари сифатини ошириш мақсадида айрим автобус йўналишларига ўзгартириш киритилди. Бу ҳақда «Тошшаҳартрансхизмат» хабар қилди.
Қайд этилишича, 11 майдан бошлаб 12-автобус саройи филиалига бириктирилган 40-сонли Сергели мавзеси 12-даҳа—Тошкент вокзали автобус йўналишининг ҳаракати Қипчоқ кўчасидан янги қуриб битказилган Чоштепа (аввалги Файзли кўчаси), Обиҳаёт, Янги Сергели йўли кўчалари орқали ва ўз йўналишини давом эттирган ҳолда икки тарафлама ташкил этилади.
Шунингдек, худди шу автобус саройи филиалига бириктирилган 75-сонли Тошкент металлургия заводи—Оқтепа майдони автобус йўналишининг ҳаракати «Сурум» маҳалласи сўнгги бекатидан 4P21 Тошкент айланма йўли, Чортоқ, Қанора, Мағриб, Давлатобод, Қўрғонтепа, Қипчоқ, Янги Сергели йўли, Обиҳаёт, янги қуриб битказилган Чоштепа (аввалги Файзли кўчаси), Қатортол кўчалари орқали ва ўз йўналишини давом эттирган ҳолда икки тарафлама ташкил этилади.
Изоҳ (0)