Париж аппеляцион суди Франция собиқ бош вазири Француа Фиённи тўрт йил муддатга озодликдан маҳрум қилди, унга бир йиллик қамоқ жазоси тайинлаб, давлат маблағларини ўзлаштириб, мансабидан фойдаланган ҳолда рафиқаси Пенелопа Фиённи ишга жойлаштиргани учун 375 минг евро жаримага тортди. Бу ҳақда France 24 телеканали хабар қилган.
Фиённинг рафиқасига икки йиллик шартли қамоқ ва 375 минг евро миқдорида жарима белгиланди.
Француа Фиён 2007 – 2012 йилларда Николя Саркози президентлиги даврида Франция бош вазири лавозимида ишлаган. 2016 йилда у «Республикачилар» партиясидан номзод сифатида кўрсатилди ва 2017 йилда Саркози асосчиси бўлган мазкур партия вакили сифатида сайловларда иштирок этди.
Сайловолди кампанияси вақтида Ле Cанард Энчаîнé журналида чоп этилган мақола туфайли катта можаро кузатилди. Унда Пенелопа Фиённинг 1998 – 2007 йилларда эрига ва унинг парламентдаги ўринбосарига ёрдамчилик қилгани учун 500 минг евро маош олгани қайд этилган. Шунингдек аёл Revue дес Деух Мондес журналида адабий маслаҳатчи сифати 100 минг евро олган. Мақола муаллифлари Пенелопа Фиённинг мазкур лавозимлардаги иш фаолиятини тасдиқлайдиган маълумотлар топилмаганини ва унинг ишламасдан маош олганини тахмин қилган. Францияда ушбу можарога Пенелопегате номи берилган.
2017 йил март ойида Франция ҳуқуқ-тартибот идоралари давлат маблағларини талон-торож қилгани учун Фиён ва унинг рафиқасига нисбатан расмий тергов ҳаракатларини бошлади, тинтувлар ўтказди. Эр-хотин айбловларни инкор этди, Фиён жиноий ишлар очилгани туфайли президентлик сайловларида иштирок этмасликка қарор қилди. Оқибатда Франция президентлиги сайловларининг биринчи турида у 20 фоиз овоз олиб, учинчи бўлди. Иккинчи турга «Миллий фронт» етакчиси Марин Ле Пен, шунингдек «Олға, республика» ҳаракати вакили Эммануэль Макрон ўтишди ва Макрон ғалабага эришди.
2020 йилда Париж суди Фиённи давлат мулкини талон-торож қилганликда, рафиқасини ишга жойлаб мансабини суиистеъмол қилганликда айбли деб топди ва уни беш йил муддатга озодликда маҳрум қилиб, уч йиллик шартли қамоқни муддат ичига киритди. Шу билан бирга унга 375 минг евро жарима тайинланиб, президентлик сайловларида қатнашишига 10 йиллик тақиқ қўйилди. Эр-хотин айбловни тан олмасдан, суд қарорини қайта кўриб чиқишни талаб қилганди.
Изоҳ (0)