«Атлетико» 2018 йилдан бери илк бор «Реал»ни мағлуб этди.
«Матрасчилар» Испания Ла Лигаси 35-тури доирасида ўз майдонида «қироллик клуби»дан 1:0 ҳисобида устун келди.
Бугунга қадар Диэго Симеоне шогирдлари барча мусобақаларда қаторасига 8 та ўйинда рақибни енга олмаганди. Сўнгги ғалаба 2018 йилнинг 15 августида УЕФА Суперкубогида қайд этилганди — 4:2. Шунингдек, бу «Атлетико» учун «Ванда Metropolitanо»да «Реал» устидан қозонилган илк ғалаба бўлди.
«Атлетико»нинг Ла Лигада «Реал»га қарши кечган учрашувлардаги ғалабасиз серияси эса 2016 йилнинг февраль ойидан бери давом этиб келган ва 11 ўйинни ташкил қилган.
Эслатиб ўтамиз, «Реал» 34-турда «Эспаньол»ни мағлуб этиб, муддатидан аввал Испания чемпионлигини қўлга киритганди. «Атлетико» эса 64 очко билан 4-ўринда бормоқда.
Изоҳ (0)