Россиянинг inDriver такси хизмати ўз ходимларининг бир қисмини Қозоғистонга кўчирди. Бу ҳақда Forbes хабар берди.
2 май куни inDriver асосчиси ва бош директори Арсен Томский Facebook’да компаниянинг асосий бизнесида Россиянинг улуши кичик эканини ва у ҳам пасайишда давом этаётганини ёзган. Унга кўра, жамоа эндиликда халқаро миқёсда фаолият юритади.
Ҳозир Қозоғистонда 130 га яқин inDriver ходими бор – уларнинг бир қисми Нур-Султонда, лекин асосий жамоа Олмаотада.
Қозоғистон минтақадаги энг мақбул ва барқарор жой, — деб ёзади Томский.
Унинг қўшимча қилишича, Қозоғистондаги офис беш йил аввал очилган inDriver компаниясининг биринчи хорижий ваколатхонаси бўлган. Томский ходимларни бошқа жойга кўчириш учун нима учун Қозоғистонни танлаганини ҳам тушунтирди:
Қозоғистонда рус тили миллатлараро мулоқот тили, мамлакатда IT-компанияларни қўллаб-қувватлаш бўйича дастурлар, тезда ривожланаётган барқарор иқтисодиёт мавжуд, Олмаота эса иссиқ ва гўзал шаҳар, — дейди у.
inDriver 2016 йилда Ўзбекистонда интернет агрегатори сифатида ўз фаолиятини бошлаган. 2018 йилдан бошлаб эса такси хизмати сифатида ишлаб келмоқда.
Сўнгги ойларда Россиядан Ўзбекистонга ҳам бир қанча компаниялар кўчиб келмоқда.
Жумладан, аввалроқ EPAM IТ компания$/ЭХ$си юзлаб ходимларини Тошкентга кўчиргани ҳақида хабар берилган эди.