«Ўзгидромет» 3—5 май кунлари кутилаётган кучли ёмғирлар ёғиши сабабли республиканинг тоғолди ва тоғли ҳудудларида сел-сув тошқин ҳодисалари юзага келиши мумкинлигидан огоҳлантирди.
Марказ маълумотига кўра, бундай хавф юзага келиши мумкин бўлган ҳудудлар қуйидагилар:
- Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор, Косон туманлари;
- Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музработ туманлари;
- Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон туманлари;
- Навоий вилояти: Хатирчи, Навбаҳор, Нурота, Конимех, Кармана туманлари;
- Жиззах вилояти: Зомин, Бахмал, Ғаллаорол, Шароф Рашидов, Фориш, Янгиобод туманлари;
- Тошкент вилояти: Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманларида ва Ангрен, Олмалиқ шаҳарлари;
- Наманган вилояти: Поп, Косонсой, Чортоқ, Чуст, Наманган, Янгиқўрғон туманлари;
- Фарғона вилояти: Сўх, Фарғона, Бешариқ туманлари;
- Андижон вилояти: Андижон, Асака, Жалақудуқ, Қўрғонтепа, Пахтаобод, Избосган, Хўжаобод, Марҳамат туманлари.
Эслатиб ўтамиз, 20 апрель куни Самарқанд, Жиззах, Навоий ҳамда Қашқадарё вилоятларида кучли ёмғир ёғиб, жиддий оқибатларга олиб келган сел кузатилди. Сел оқимлари оқизиб кетиши натижасида Фориш туманида 4 киши (1 нафар эркак, 3 нафар аёл) ҳалок бўлди. Кейинчалик яна бир киши ҳалок бўлгани аниқланди. Сенат раиси Танзила Норбоева ушбу сел-тошқин оқибатларини бартараф этиш бўйича тегишли чоралар кўрилаётганини айтди.
Мавзуга доир:
- «Саксон йилда такрорланган сел 12 дақиқада қишлоқ тақдирини ҳал қилди, бир оиланинг уч нафар вакили ўлимига сабабчи бўлди». Форишда келган сел ва унинг оқибатлари ҳақида
- «Қабристон қайта тикланди, 29 бош мол жасади кўмилди, 1184 тонна чиқинди олиб чиқилди». Эгизбулоқдаги тозалаш ишлари ҳақида маълумот берилди
- Селдан зарар кўрган эгизбулоқликлар учун 53 та янги уй-жой ва қўшимча иш ўринлари яратилади
Изоҳ (0)