2022 йилнинг 20—28 апрель кунлари биринчи маротаба Тошкент шаҳрида Ўзбекистон волонтёрларининг фестивали ўтказилмоқда. Унда ҳудудий волонтёрлар томонидан келтирилган миллий кийимлар, гуллар ва турли китоблар кўргазмаси бўлмоқда. Қуйида «Дарё» мухбири томонидан тайёрланган фоторепортажни тақдим этамиз.
«Бугун бутун республикадан волонтёрлар келган. Бир вақтнинг ўзида кўнгиллилар жамоаси кўргазмалар ташкил қилиб, китоб ва турли қўл меҳнати билан ясалган буюмларни сотиб, тушган пулларни хайрия учун йиғишмоқда. Ҳам биз учун амалий конференциялар ташкил қилинган. Биз жуда ҳам кўп энергия ва мотивация оляпмиз. Яна бугун бошқа волонтёрлар гуруҳлари билан танишяпмиз. Улардан билмаганларимизни ўрганиш учун яхши имконият бўляпти. Ҳатто жамоамизга янги волонтёрлар ҳам қўшиляпти», — дейди «Дунёга кераксан» волонтёрлар жамоаси ташкилотчиси Сафинa Исломова.
«Бундай фестиваль бизга катта куч беради. Бугун жамоамиз билан қатнашяпмиз, ўзимиз учун очилмаган қирраларни очиб, анча маълумотга эга бўлдик. Келгусида шу каби волонтёрлар учун фестиваллар кўпайишига умидворман», — деди «Бахт улаш» лойиҳаси асосчиси Мўтабар Хушвақтова.
Изоҳ (0)