Бухоро шаҳридаги «Зарафшон» маҳалласида ободонлаштириш бўлими ходимларни итларни заҳарлагани айтилмоқда. Бу ҳақда «Меҳр ва оқибат» ташкилоти хабар қилди.
Қайд этилишича, маҳалла аҳолиси ҳайвонлар заҳарлангани юзасидан ташкилотга мурожаат қилган. Унда айтилишича, ходимлар ҳудудда итлар кўпайиб кетгани ҳақидаги шикоятга жавобан келган. Улар ўзи билан дорилар тўлдирилган колбаса олиб келган. Маҳалла раислари ходимларни итларни заҳарламаслик, бу учун қонуний жазо борлиги ҳақида огоҳлантирган.
Ходимлар гўёки кетгандек бўлиб, заҳарланган колбасани итларга бериб юборган. Оқибатда ҳайвонлар нобуд бўлган. Аҳоли ҳодисани тасвирга олишга муваффақ бўлган.
Ҳолат юзасидан «Меҳр ва оқибат» жамияти Ички ишлар вазирлигига мурожаат қилиб, итларни заҳарлаган айбдорларга қонуний чора кўришни сўраган.
Аввалроқ Навоийда номаълум эркак болалар кўз ўнгида итни отиб ташлагани, Андижонда таҳқирланган бўри хаски зотли ит бўлиб чиққани тўғрисида хабар берилганди.
Мавзуга доир:
- Тошкентда ит ва мушукларни милтиқда отиб юрган эркак ушланди
- Андижонда итларни сўйиб, истеъмол қилиш билан шуғулланиб келган шахс ушланди
- Фарғона вилоятида итлар оммавий ўлдирилгани айтилмоқда. Чиқиндихонада ўнлаб ҳайвонлар отиб ташланган
- Тошкентда қўшнисининг иккита хаски зотли итини ўлдирган эркакка 1,35 млн сўм жарима белгиланди
Изоҳ (0)