Германия бу йил Украинадаги уруш таъсирини юмшатиш учун қарз олиш режаларини қарийб 40 млрд еврога оширади. Бу ҳақда Bloomberg хабар бермоқда.
Шу тариқа Германияда соф янги қарзларнинг умумий ҳажмини қарийб 140 млрд еврога етади.
Коронавирус пандемияси бошланганидан бери Германия ҳукумати узоқ йиллик молиявий чекловларни бузди. Мамлакат 2020 йилда 130 млрд ва 2021 йилда рекорд даражадаги 215 млрд евро миқдорида соф янги қарз олган. Германияда мисли кўрилмаган қарздорлик йўлга қўйилмоқда.
Ҳукмрон коалиция пандемиянинг иқтисодий оқибатларини бартараф этиш учун янги қарзларни чекловчи конституциявий қоидаларни кетма-кет уч йилга тўхтатиб қўйди. Аммо улар 2023 йилда тикланиши мумкин.
Германия канцлери Олаф Шольц, ҳарбий харажатларнинг ўсиши ва НАТО иттифоқининг йилига 2 фоиз харажатларини қондириш учун 100 млрд еврога тенг бюджетдан ташқари махсус фондни эълон қилди.
Бу эса жорий йил охирида умумий соф янги қарзлар 140 млрд евродан ошиши мумкинлигини англатади.
Аввалроқ Германия Украинага 150 млн евро кредит ажратгани ҳақида хабар берилган эди.
Изоҳ (0)