Germaniya bu yil Ukrainadagi urush ta’sirini yumshatish uchun qarz olish rejalarini qariyb 40 mlrd yevroga oshiradi. Bu haqda Bloomberg xabar bermoqda.
Shu tariqa Germaniyada sof yangi qarzlarning umumiy hajmini qariyb 140 mlrd yevroga yetadi.
Koronavirus pandemiyasi boshlanganidan beri Germaniya hukumati uzoq yillik moliyaviy cheklovlarni buzdi. Mamlakat 2020-yilda 130 mlrd va 2021-yilda rekord darajadagi 215 mlrd yevro miqdorida sof yangi qarz olgan. Germaniyada misli ko‘rilmagan qarzdorlik yo‘lga qo‘yilmoqda.
Hukmron koalitsiya pandemiyaning iqtisodiy oqibatlarini bartaraf etish uchun yangi qarzlarni cheklovchi konstitutsiyaviy qoidalarni ketma-ket uch yilga to‘xtatib qo‘ydi. Ammo ular 2023-yilda tiklanishi mumkin.
Germaniya kansleri Olaf Shols, harbiy xarajatlarning o‘sishi va NATO ittifoqining yiliga 2 foiz xarajatlarini qondirish uchun 100 mlrd yevroga teng budjetdan tashqari maxsus fondni e’lon qildi.
Bu esa joriy yil oxirida umumiy sof yangi qarzlar 140 mlrd yevrodan oshishi mumkinligini anglatadi.
Avvalroq Germaniya Ukrainaga 150 mln yevro kredit ajratgani haqida xabar berilgan edi.
Izoh (0)