Футбол бўйича Англия чемпионатининг 34-туридан ўрин олган бир қатор ўйинлар 23 апрель, шанба куни бўлиб ўтди.
«Манчестер Сити» ўз майдонида «Уотфорд» билан баҳс юритиб, йирик ҳисобдаги ғалабани қўлга киритди. «Шаҳарликлар» сафида Габриэль Жезус покер муаллифига айланди, бразилиялик ҳужумчи ҳар бир таймда иккитадан гол уришнинг уддасидан чиқди. Яна бир гол Родри томонидан киритилди. Меҳмонларнинг ягона жавоб голи эса Ҳассан Камара ҳисобига ёзилди.
Шу тариқа «Манчестер Сити» чемпионлик йўлидаги муҳим бўлган 3 очкони қўлга киритди. Ушбу ғалабадан кейин мусобақа жадвалида пешқадамлик қилаётган манчестерликлар ҳисобидаги очколар сони 80 та етди. «Уотфорд» (22) эса 19-поғонадан ўрин олган.
«Лестер» «Астон Вилла»га қарши ўйинда очко йўқотди, «Ньюкасл» «Норвич»га жавобсиз 3 та гол урди.
АПЛ
34-тур баҳслари
23 апрель, шанба
«Манчестер Сити» – «Уотфорд» 5:1
Голлар: 1:0 – 4 Габриэль Жезус, 2:0 – 23 Габриэль Жезус, 2:1 – 28 Камара, 3:1 – 34 Родри, 4:1 – 49, пенальти Габриэль Жезус, 5:1 – 53 Габриэль Жезус.«Манчестер Сити»: Эдерсон, Жоау Канселу, Ляпорт (Аке, 63), Рубен Диаш, Зинченко, Фернандиньо, де Брюйне (Гюндоган, 57), Родри (Маҳрез, 71), Грилиш, Стерлинг, Габриэль Жезус.
«Уотфорд»: Фостер, Кабаселе, Самир (Кэткарт, 68), Камара, Сиссоко, Клеверли, Луза (Каембе, 75), Нгакиа, Кинг, Деннис, Сарр (Жоао Педро, 68).
Огоҳлантиришлар: Жоау Канселу (43).
Изоҳ (0)