Футбол бўйича Англия Премьер Лигасининг 34-турида «Манчестер Юнайтед» ва «Арсенал» жамоалари 23 апрель, шанба куни ўзаро тўқнаш келди.
Лондонда ўтган баҳс тезкор гол билан бошланди. Нуну Тавареш 3-дақиқада ҳисобни очди, 32-дақиқага келиб, Букайо Сака 11 метрлик жарима зарбасидан унумли фойдаланиб, орадаги фарқни оширишга муваффақ бўлди. 2-дақиқага ўтар-ўтмас эса Криштиану Роналду қанотдан оширилган тўпни дарвозага жойлаб, ҳисобни қисқартирди. 70-дақиқага келиб, Гранит Жака супер голи билан «тўпчилар»га ишончли ғалабани тақдим этди.
Қайд этиш керак, учрашувнинг 57-дақиқасида, ҳисоб 2:1 бўлиб турганида Манчестер клуби ярим ҳимоячиси Бруну Фернандеш пенальтини аниқ амалга ошира олмади.
Ушбу ғалабадан кейин «Арсенал»нинг очколари сони 60 тага етди ва 4-ўринга кўтарилди. «Манчестер Юнайтед» эса 54 очко билан 6-поғонани банд этиб турибди, «қизил иблислар»да ЕЧЛ йўлланмасини тақдим этувчи кучли тўртликка кириш имконияти деярли қолмади.
АПЛ
34-тур баҳси
23 апрель, шанба
«Арсенал» – «Манчестер Юнайтед» 3:1
Голлар: 1:0 – 3 Нуну Тавареш, 2:0 – 32, пенальти Сака, 2:1 – 34 Роналду, 3:1 – 70 Жака.«Арсенал»: Рэмсдейл, Соареш (Томиясу, 90), Габриэль, Уайт, Нуну Тавареш, Жака, эн-Ненни, Эдегор, Смит-Роу (Мартинелли, 64), Нкетиа, Сака (Ҳолдинг, 74).
«Манчестер Юнайтед»: Де Хеа, Диогу Далот, Варан, Линдельоф, Теллес, Матич (Рэшфорд, 77), Бруну Фернандеш (Мата, 84), Мактомини, Роналду, Санчо, Эланга (Лингард, 77).
Огоҳлантиришлар: Теллес (31), Жака (67), Нуну Тавареш (68), Бруну Фернандеш (76), эн-Ненни (80), Линдельоф (82), Роналду (90).
Изоҳ (0)