Ўзбекистон Марказий банки бошқаруви 21 апрель куни бўлиб ўтган навбатдаги йиғилишда асосий ставкани ўзгаришсиз — йиллик 17 фоиз даражасида сақлаб қолиш тўғрисида қарор қабул қилди.
Йиғилишда Марказий банк хорижий валюта атрофидаги саволларга ҳам тўхталиб ўтди.
Маълум бўлишича, банк кассаларида етарли миқдорда нақд хорижий валюта мавжуд. Банклар кассаларида нақд хорижий валютанинг етарли захиралари мавжудлиги сабабли чет эл валютасини олиб кириш режалаштирилмаган.
Жисмоний шахсларга ҳамда норезидентларга чет эл валютасини сотиш мамлакат ҳудудида қонуний манбалардан миллий валютада маблағлар келиб тушганлигини тасдиқловчи ҳужжатлар тақдим этилган ҳолда амалга оширилади. Ҳозирда чет эл валютасини сотишда норезидентларга қўшимча чекловлар мавжуд эмас.
Жисмоний шахслар томонидан 100 млн сўм эквивалентига тенг ёки ундан кўп бўлмаган миқдорда нақд чет эл валютаси божхона назорати қоидаларига риоя қилган ҳолда чекловларсиз Ўзбекистондан ташқарига олиб чиқилади.
Банкларнинг вакиллик ҳисобварақларини тўлдириш учун кассаларда нақд хорижий валютанинг бузилганлиги, эскирган ёки ортиқча миқдори кўрсатилган банкнотларни олиб чиқишда чекловлар йўқ.
Шунингдек, нақд хорижий валюта билан операцияларни амалга оширишга чекловлар қўйиш назарда тутилмаган.
2022 йил апрель ойида аҳолининг нақд хорижий валютани сотиб олишга бўлган талаби йил бошига нисбатан барқарорлигича қолмоқда. Шу билан бирга, аҳоли томонидан доллар таклифининг умумий ҳажми ўсиши кузатилмоқда.
Хусусан, банкларнинг рублдаги валюта позицияси амалда «нол» даражасида шаклланган, бу банк тизимининг рублдаги активлари ва пассивлари ҳажми ўртасида фарқ йўқлигини билдиради.
Аввалроқ ўзбекистонликларнинг долларга бўлган талаби қандай ўзгаргани маълум бўлган эди.
Изоҳ (0)