Ўзбекистон Кубогининг 1/8 финалига йўлланма олган жамоалар номи маълум бўлди

Футбол бўйича Ўзбекистон Кубогининг гуруҳ босқичи якунланди.

Гуруҳ босқичининг натижаларига кўра плей-оффга йўл олган жамоалар номи аниқ бўлди.

• Биринчи ўринни эгаллаган жамоалар: «Навбаҳор», «ОКМК», «Қўқон-1912», «Сўғдиёна», «Турон», «Бунёдкор»;
• Иккинчи ўринни эгаллаган жамоалар: «Қизилқум», «Локомотив», «Машъал», «Андижон», «Олимпик», «Металлург».

Осиё Чемпионлар лигасининг гуруҳ босқичида иштирок этувчи клублар – «Пахтакор» ва «Насаф» ҳам мамлакат кубогидаги иштирокини айнан мана шу босқичдан бошлайди.

1/8 финалдан бошлаб то финалга қадар бўлган плей-офф жуфтликларига алоҳида қуръа ташланади.

Гуруҳ ғолиблиги учун курашни таъминлаш мақсадида 1/8 финал босқичига қуръа ташлаш маросимида гуруҳ ғолиблари алоҳида саватда бўлади ва улар ушбу босқичда бир-бири билан, шунингдек, Осиё Чемпионлар Лигасининг гуруҳ босқичида иштирок этувчи клублар билан тўқнаш келмайди. Бир ўйиндан иборат учрашувларга ким мезбонлик қилиши қуръа ёрдамида аниқлаб олинади.