Тошкент марказидаги айрим кўчаларда 23–24 апрель кунлари автомобиль ҳаракати чекланади, дея хабар бермоқда пойтахт ҳокимлиги.
Маълум қилинишича, дам олиш кунлари Тошкент шаҳридаги Халқлар дўстлиги майдони атрофида жойлашган кўчаларда спортчилар ва ҳаваскорлар орасида «Дуатлон бўйича Ўзбекистон чемпионати-2022» бўлиб ўтади. Шу сабабли мусобақа кунларида қатор кўчалар соат 06:00 дан 14:30 га қадар ёпилади:
- Фурқат кўчасининг Ислом Каримов шоҳкўчаси ва Сеул кўчаси оралиғидаги қисми;
- Ислом Каримов шоҳкўчасининг Фурқат ва Бунёдкор шоҳкўчаси оралиғидаги қисми;
- Бунёдкор шоҳкўчасининг Ислом Каримов шоҳкўчаси ва Сеул кўчалари оралиғидаги қисми;
- Сеул кўчасининг Бунёдкор шоҳкўчаси ва Фурқат кўчалари оралиғидаги қисми.
Аввалроқ кўприк қурилиши сабаб Тошкентдаги ТХАЙ кўчасининг айрим йўналишларида ҳаракат вақтинча чекланиши, Тошкентда таъмирлаш ишлари сабаб 6 та кўчада ҳаракат вақтинча чеклангани тўғрисида хабар берилганди.
Изоҳ (0)