Шавкат Мирзиёев ҳудудлар иқтисодиёти, аҳоли турмуш шароитлари билан танишиш мақсадида Қашқадарё вилоятига етиб келиб ташрифни Кўкдала туманидан бошлагани тўғрисида хабар берилганди. «Дарё» мухбирининг маълум қилишича, бу ерда давлат раҳбари туман фаоллари билан учрашув ўтказмоқда.
Шавкат Мирзиёев учрашув давомида Кўкдала туманида мактаб, боғча қуриш кераклиги, шунингдек, газ ва сувни олиб келиш бўйича ишлар амалга оширилиши кераклигини таъкидлаган.
«Бу ерда ҳам турли қуёш электр станцияси, шамол электр станциялари очамиз. Ёшларимиз унда ишлашади. Менинг келишимдан мақсад — Қашқадарёни аҳлини уйғотиш», — дейди президент.
Шавкат Мирзиёев Қашқадарё вилояти ҳокими ҳақида ҳам гапириб ўтган. «‘Тошкент кўрган’, деган гап бор-ку. Мен ҳам Муроджон Азимовга Тошкентни кўрсатиб ҳоким қилиб олиб келдим», — дея қайд этган давлат раҳбари
Эслатиб ўтамиз, Шавкат Мирзиёев вилоятда икки кун — 21—22 апрель кунлари бўлади. Ташриф доирасида президент кластер ва саноат корхоналарида, фермер хўжалиги даласида бўлади, бунёдкорлик ишлари, маҳаллалардаги ўзгаришлар билан танишади. Шунингдек, халқ билан мулоқот, вилоят фаоллари билан учрашув, қишлоқ хўжалиги ва саноат лойиҳалари тақдимоти ҳам режалаштирилган.
Изоҳ (0)