«Реал» Испания чемпионатида «Осасуна»га қарши ўйиндаги ғалабадан сўнг (3:1) таъқибчиларидан олдинлаб кетди.
Карло Анчелотти жамоаси 33 ўйиндан сўнг очколари сонини 78 тага етказди. Мадридликлар энг яқин таъқибчиси билан орадаги фарқни 17 тага етказди.
«Гранада» билан ўйиндаги дурангдан кейин «Атлетико» 61 очкога эга бўлди ва расман чемпионлик курашидан чиқди.
«Барселона»нинг очколари сони 60 та ва каталонияликлар захирасида яна 2 та ўйин мавжуд. «Кўк-анорранглилар» 21 апрель куни «Реал Сосьедад»га қарши баҳс олиб боради. Битта захира ўйинига эга «Севилья»да ҳам 60 очко бор.
«Реал» чемпионлик масаласини ҳал қилиши учун 5 ўйинда 4 очко тўплаши кифоя. Мадридликлар кейинги турда «Эспаньол»ни қабул қилади, ундан кейин эса «Атлетико» билан баҳс юритади. «Қаймоқранглилар» Мадрид дербисидан сўнг ёки ундан аввал («Барселона» очко йўқотадиган бўлса) чемпионликни нақд қилиб қўйиши мумкин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)