2021/2022-ўқув йилида Ўзбекистондаги мактабларни 390 мингдан ортиқ ёшлар тамомлайди. Халқ таълими вазирлигининг маълум қилишича, 16 ёшдан ошган ёшларнинг 122 минг нафардан ортиғи ҳалигача паспорт (ID-карта) олмаган.
Таъкидланишича, олий таълим муассасаларига абитуриентларнинг ҳужжатлари Давлат тест марказининг «Abitur.dtm.uz» сайти орқали онлайн қабул қилинади. Абитуриентлар энди аввалгидек олий таълим муассасаларига овора бўлиб бориши, узундан узоқ навбатда туришларига ҳожат қолмаган.
Онлайн ҳужжат топшириш учун битирувчиларнинг паспорт (ID-карта) маълумотларини (жисмоний шахснинг шахсий идентификация рақами — ЖШШИР) киритиш талаб этилади. Шу боис 16 ёшга тўлган битирувчилар ўз вақтида паспорт (ID-карта) олишлари зарур.
Бу жараёнда битирувчиларга янада қулайлик яратиш мақсадида «Attestat.uzedu.uz» электрон базаси ДТМ «Abitur.dtm.uz» сайти билан интеграция қилинган.
2021/2022-ўқув йилида мактабларни 390 мингдан ортиқ ўқувчи битиради. Бугунги кунда битирувчиларнинг электрон маълумотлар базаси «Attestat.uzedu.uz» сайтида 16 ёшга тўлган 122 мингдан ортиқ битирувчилар (31 фоизи) паспорт олмаган.
Вазирлик мактаб маъмуриятидан эса битирувчиларнинг паспорт маълумотларини «Attestat.uzedu.uz» сайтига киритиб, уларни келгусида олий таълим муассасаларига ҳужжатларини топширишда кўмаклашишга чақирган.
Изоҳ (0)