Туркия халқаро хавфсизлик тизимини ислоҳ қилиш таклифи билан чиқди

Туркия ташқи ишлар вазири Мевлюд Чавушўғлу халқаро хавфсизлик тизимини ислоҳ қилишга чақирди, деб хабар беради Haberler нашри.

Туркия ТИВ раҳбарининг таъкидлашича, Украинадаги можаро бунга зарурат борлигини кўрсатмоқда.

«Биз буни Украина мисолида кўряпмиз, коронавирус пандемияси мисолида ҳам кўрдик. Халқаро хавфсизлик тизими, БМТ тизими можароларни, мураккаб масалаларни ҳал этишга қодир эмас», — дея Чавушўғлу тизим ислоҳотларга муҳтожлигини қўшимча қилган.

Шу билан бирга унинг сўзларига кўра, Анқара «қўл қовуштириб, у қачон амалга ошишини» кутиб ўтирмоқчи эмас. ТИВ раҳбарининг айтишича, Туркия барча қўшниларининг ҳудудий яхлитлигини қўллаб-қувватлайди.

«Туркия позицияси адолатли ва мувозанатли ёндашувга асосланган», — дейди Мавлут Чавушўғлу.