Украина президенти Владимир Зеленский урушнинг 54-куни якунларига бағишланган видеомурожаатида Россиянинг Донбассни эгаллаш учун жанг бошлаганини эълон қилди.
Россия қўшинлари узоқ тайёргарлик кўрилган ҳаракат – Донбасс учун жангга киришди. Россия армиясининг катта қисми ушбу йўналишдаги ҳужумга асосий эътиборини қаратган. Ҳудудни эгаллаш учун қанча россиялик ҳарбий жалб қилинишидан қатъи назар, биз ҳимояланишда давом этамиз. Ҳар куни ватан учун курашамиз. Украинанинг ҳеч нарсасини бериб қўймаймиз ва бировнинг буюми бизга керак эмас.Ўз навбатида Украина президенти офисининг раҳбари Андрей Ермак урушнинг иккинчи босқичи бошланганини қайд этди ва халқни мамлакатнинг қуролли кучларига ишонишга чақирди. Аввал Украина ҳарбий кучлари бош штаби Россия Донбассга яна босқин қилишни бошлагани ва бу ҳужумнинг янги босқичи эканлигини хабар қилган.Владимир Зеленский
Украина Миллий хавфсизлик ва мудофаа кенгаши котиби Алексей Данилов 18 апрель тонгида Россия қўшинларининг Донецк, Луганск ва Харьков вилоятларидаги фронт чизиғида мудофаани ёриб ўтишга урингани, Кременная шаҳри ҳамда яна бир аҳоли пунктига киришга муваффақ бўлгани ҳақида гапирган.
18 апрель куни оқшомда Харьков ва Николаевга авиазарбалар берилаётгани ҳақида хабарлар тарқалган.
Март охирида Истанбулда ўтган тинчлик музокараларидан кейин Россия Киев ва Черниговск йўналишларидаги ҳарбий фаоллик кескин қисқаришини эълон қилиб, у ердан қўшинларини олиб чиқиб кетган. Шунингдек, Россия Мудофаа вазирлиги Донбассни озод қилиш операцияси якунига етказилишини баён қилган.
Изоҳ (0)