Шри-Ланка бош вазири Маҳинда Ражапакса мамлакат конституциясини ислоҳ қилиш ғояларини қўллаб-қувватлашини маълум қилди. Бу ҳақда NewFirst портал хабар берган.
Конституцияга ўзгартиришлар киритиш мухолифатнинг асосий талабларидан бири эди. Аввал Шри-Ланкадаги энг катта мухолифат партияси Бирлашган миллий куч (СЖБ) конституцион ислоҳотлар даври келгани юзасидан баёнотлар қилганди.
Ражапакса турли фракциялар томонидан халқ олдида ҳисобдор ҳукумат тузиш таклифлари берилганига эътибор қаратган. Бош вазир баёнотига кўра конституцион ислоҳотлар ижро, қонунчилик ва суд ҳокимиятига тааллуқли бўлади. Ўзгаришлар нималарда иборат бўлишига аниқлик киритилмаган.
Шри-Ланка — унитар парламент-президентлик республикаси. Мамлакатда 1978 йил 7 сентябрда қабул қилинган конституция амал қилади. Мамлакатнинг асосий қонунига охирги марта 2015 йилда ўзгартиришлар киритилган. Ушбу ўзгаришларга мувофиқ президентлик лавозимининг даври икки муддат деб белгиланган.
Шри-Ланка 1948 йилда мустақилликка эришган давридан бери ҳали кузатилмаган ўта оғир иқтисодий инқирозни бошидан ўтказмоқда. Коронавирус пандемияси туфайли мамлакатга келадиган туристлар оқими кескин камайди оқибатда хорижий валютанинг келиши тўхтади ва импорт товарлари учун тўловлар қилиш қийинлашди. Шри-Ланканинг ташқи қарзи 35 миллиард долларга етди. Март ойида маҳаллий купюранинг инфляцияси 17 фоизни ташкил қилган.
Изоҳ (0)