Божхона қўмитаси раиси ўринбосарлигидан олинган Ўткир Қодиров Қашқадарё ҳокимига ўринбосар бўлди
Қашқадарё вилояти ҳокимининг яна бир ўринбосари ишданг олинди. Бу ҳақда вилоят ҳокимлиги ахборот хизмати хабар берди.
Маълум бўлишича, Божхона қўмитаси раиси ўринбосарлигидан олинган Ўткир Қодиров Муроджон Азимовга ўринбосар — вилоят инвестициялар ва ташқи савдо бошқармаси бошлиғи лавозимига тайинланган. Ушбу лавозимда ишлаб келган Баҳром Юсупов эса ишдан олинган.
Ўткир Қодиров 1984 йил Сурхондарё вилоятининг Сариосиё туманида туғилган бўлиб, Жаҳон иқтисодиёти ва дипломатия университети ҳамда Ўзбекистон Республикаси Стратегик таҳлил ва истиқболни белгилаш Олий мактабини тамомлаган.
Аввалроқ Қашқадарё ҳокимининг биринчи ўринбосари Нодир Эркаев лавозимидан олиниб, Чироқчи туманига ҳоким этиб тайинлангани, унинг ўрнини вилоят Давлат солиқ бошқармаси бошлиғи лавозимида ишлаб келган Алишер Қодиров эгаллагани хабар берилганди.
Мавзуга доир: Ғофур Раҳимов Ўзбекистон профессионал бокс федерацияси биринчи вице-президенти лавозимига тайинланди
