«Реал» ярим ҳимоячиси Лука Модрич Чемпионлар Лигасида ҳафтанинг энг яхши футболчиси деб топилди.
Хорватиялик футболчи «Челси»га қарши ўйинда (2:3) битта голли узатма амалга оширди ва узатмаларда 90% аниқлик намойиш қилди.
Шунингдек, Рауль Альбиоль («Вильярреал»), Константинос Цимикас («Ливерпуль») ва Жон Стоунз («Манчестер Сити») ушбу ном учун кураш олиб борганди.
«Реал» футболчиси Родригонинг «Челси» дарвозасига киритган тўпи ҳафтанинг энг чиройли голи деб топилди. Унга тўпни Модрич бутсисининг ташқи томони билан узатмани амалга оширганди.
https://www.instagram.com/p/CcVMS8qNxyk/
Чемпионлар Лигасида ҳафта рамзий терма жамоаси ҳам тузилди ва ундан қуйидаги футболчилар ўрин олди:
Дарвозабон: Эдерсон («Манчестер Сити»);
Ҳимоячилар: Кайл Уолкер («Манчестер Сити»), Жон Стоунз («Манчестер Сити»), Антонио Рудигер («Челси»), Реинилдо («Атлетико»), Цимикас («Ливерпуль»);
Ярим ҳимоячилар: Лука Модрич («Реал»), Гонсалу Рамуш («Бенфика»), Мэйсон Маунт («Челси»);
Ҳужумчилар: Тимо Вернер («Челси»), Роберто Фирмино («Ливерпуль»).
Изоҳ (0)