Qo‘yliqdagi 5 xonali kvartira 1,5 mlrd so‘mga auksionga qo‘yildi

Toshkent shahar Sergeli tumani Qo‘yliq mavzesidagi kvartira kimoshdi savdosiga qo‘yildi. Lot ma’lumotlari “E-auksion” portalida e’lon qilingan.

9 qavatli turar joy binosining 1-qavatdagi 5 xonali kvartira sotiladi. Turar joy binosi 1987—1988-yillarda qurilgan.

Lot izohida yozilishicha, kvartira 3 ta konditsioner, 3 ta hovlida joylashgan kamera va tapchan bilan birga beriladi. Uyning qolgan barcha jihozlari olib ketiladi.

Kvartiraning umumiy maydoni 120 kvadrat metr. Xonadonda gaz, suv, elektr ta’minoti va kanalizatsiya tizimi mavjud. 

Auksionga qo‘yilgan kvartiraning boshlang‘ich bahosi — 1,45 mlrd so‘m. Arizalar 18-aprel 09:00 ga qadar qabul qilinadi. Savdolar xuddi shu kuni 10:00 da boshlanadi.

Avvalroq Toshkentda MIB tomonidan auksionga qo‘yilgan hovli boshlang‘ich bahosidan ikki barobar arzonga sotilgani haqida xabar qilingan edi.