«Ўзгидромет» хабарига кўра, 11 апрель куни республика ҳудудининг катта қисмида ҳаво булутли, қуруқ ва илиқ бўлиши кутимлоқда, фақат Қорақалпоғистонда ва Хоразм, Бухоро, Навоий вилоятларида баъзи жойларда қисқа муддатли ёмғир ёғади, момақалдироқ бўлиши мумкин.
Республика бўйича шамол тезлиги 17-22 метр/секундгача кучаяди, айрим жойларда чанг тўзон кузатилади, Бухоро, Навоий, Жиззах, Сурхондарё вилоятларида шамол тезлиги 25-28 метр/секундгача кучайиши мумкин. Ҳаво ҳарорати куннинг ўртасига келиб, 24-29 даражани ташкил этади.
Тошкент вилоятида кечаси ва эртага эрталаб, тоғолди ва тоғли ҳудудларда куннинг биринчи ярмида момақалдироқ билан қисқа муддатли ёмғир ёғиши кутилмоқда. Мамлакатнинг қолган ҳудудларида ёғингарчилик кутилмайди. Ҳаво ҳарорати кечаси 14-19 даражани, кундузи 24-29 даражани ташкил этади.
13—15 апрелда Ўзбекистонга Туркманистон ҳудудларидан иссиқ ҳаво кириб келиши бошланади. Ушбу даврда ёғингарчилик кутилмайди. Ҳафта охирига келиб, ҳарорат меъёрий қийматлардан 6-8 даражага юқори бўлади ва кечалари 14-19 даража, кундуз кунлари 30-35 даража атрофида бўлади.
Изоҳ (0)