«Барселона» бош мураббийи Хави собиқ жамоадоши ва ҳозирда қўл остида тўп сураётган Серхио Бускетс ҳақидаги фикрлари билан ўртоқлашди.
Каземирога ҳурматни сақлаган ҳолда шуни айтаман, Бускетс — дунёдаги энг яхши таянч ярим ҳимоячиси. У қолганларни катта фарқ билан ортда қолдиради.«Барселона» тарбияланувчиси ҳисобланган Бускетс 2008 йилдан буён каталонлар асосий жамоасида тўп суриб келади. 33 ёшли футболчи жорий мавсум Ла Лигада 28 ўйин ўтказиб, битта гол уришга муваффақ бўлди.Бускетс нима қилмасин, бу ишни юқори даражада амалга оширади, бироқ ҳар доим кучли танқид остида қолади. Бу чизиқда ҳеч ким Серхио тақдим этаётган жиҳатни бера олмайди.
Унда ҳали куч етарли. Тўп билан яхши ишлаяпти ва ҳимояда ҳеч қандай муаммо сезмаяпти. Унга ўринбосар топиш осон эмас. Бизда Френки де Йонг ва Нико бу позицияда ўйнай олади, аммо Бускетс — тизим яратадиган футболчи.
Хави, «Барселона» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)