Ijtimoiy tarmoqlardan foydalanishga taqiq, ovqatlanish uchun “pora”. Mashhurlar farzand tarbiyalashda amal qiladigan noodatiy qoidalar

Ota-ona bo‘lishga tayyorgarlik ko‘rib bermaydi — bu ko‘pincha biz tasavvur qilganimizdan ham qiyinroq. Mashhurlar dabdabali va betashvish hayot kechirishsa-da, ular ham farzand tarbiyasida qiyinchiliklarga duch kelishadi.

Dryu Berrimor

Aktrisa, prodyuser va ishbilarmon ayol Dryu Berrimor 6 yoshidanoq mashhur bo‘lgan. Hozir u 9 va 7 yoshli qizlarning onasi. Dryu qizlariga hech bo‘lmaganda balog‘atga yetgunga qadar aktrisa bo‘lishiga ruxsat bermasligini ochiqchasiga aytgan. U qizlarining bolaligidan zavqlanishini va doimo yonida bo‘lishini xohlaydi.

Jizel Byundxen

Jizel Byundxenning Tom Bredidan 2 nafar farzandi bor. Er-xotin tagliklardan foydalanmaslikka qaror qilishgan – bir martalikdan ham, ko‘p martalik matolisidan ham. Ular go‘dakni “chaqaloq uchun tabiiy gigiyena” hisoblangan tuvakka o‘tirishga o‘rgatishadi.

Aktrisa bolani qo‘liga olib, uni diqqat bilan kuzatadi. Vaqti kelganda tuvakka o‘tirg‘izadi. Bunday tizimli o‘rgatishning foydasi juda ko‘p, masalan, o‘g‘li Benjaminni 6 oyligida tuvakka o‘rgata olgan.

Keyt Uinslet

3 nafar farzandning onasi Keyt Uinslet ularga har qanday ijtimoiy tarmoqlardan foydalanishni taqiqlaydi: “Bu yosh qizlarning o‘z-o‘zini baholashga katta ta’sir qiladi, internet tufayli ular boshqalarga yoqish uchun hamma narsani qila boshlaydi”.

Uill va Jada Smit

Smitlar oilasida faqat bitta qoida amal qiladi: “Hech qanday qoida yo‘q”. Jada va Uill bolalarga o‘z hayotlarini maksimal darajada nazorat qilishlariga imkon beradi. Ular juda yoshligidanoq oilada “ishonch doirasi” amaliyoti o‘tkaziladi – bolalar o‘zlari qilgan hamma ishni, hatto yomon narsa bo‘lsa ham, hech qanday salbiy oqibatlarsiz tan olishadi.

Xeydi Klum

Xeydi Klum bolalariga sog‘lom ovqatlanishlari uchun “pora beradi”. “Avval bolalar ertalab tayyorlangan smuzilarni yoqtirmasdi, shuning uchun porsiyalarini tugatsa, ularga bir dollar to‘lashga qaror qildim”. Farzandlari ham bu pullarni sarflamay, yig‘ishadi.

 Kristen Bell

Kristen Bell uxlashdan bosh tortgan qizini xonasiga qulflab qo‘yadi. U buni shunday izohlaydi: “U xonaga kiradi va biz eshikni qulflaymiz. Biz tashqarida turib biz seni yaxshi ko‘ramiz, sen bilan ertalab gaplashamiz, lekin hozir uxlash vaqti bo‘ldi, deymiz. 10 daqiqadan so‘ng u tinchlanadi. Uxlashdan oldin, biz, albatta, eshikni ochib qo‘yamiz”.

Anjelina Joli

Anjelina Joli hech qachon bolalari oldida yig‘lamaydi. “Mendan tashvishlanishlarini xohlamayman. Menimcha, ba’zida yuvinish xonasida yig‘lab olish kerak, lekin bolalarning oldida emas. Ular hammasi yaxshi ekanini bilishlari kerak, aslida vaziyat unday bo‘lmasa ham”, — deydi Joli.