Наманган вилояти Мингбулоқ туманида фуқароларга ўзини авиакасса ходими сифатида таништириб, уларга қалбаки авиачипталарни сотиб келган аёл аниқланди, деб хабар беради вилоят ИИБ ахборот хизмати.
Маълум қилинишича, 2022 йилнинг февраль ва март ойларида Норин туманида яшовчи 25 ёшли аёл Мингбулоқ тумани Жомашуй шаҳарчасида «Авиакасса» очиб, фуқароларга авиачипта сотиб келган. 17 март куни Мингбулоқ туманида яшовчи 47 ёшли фуқаро ва бошқалар туман ИИБ бошлиғи номига ариза билан мурожаат қилиб, аёл 82 нафар фуқаронинг ҳар биридан авиачипта ва коронавирус маълумотномаси учун 2 миллион сўмдан 3,5 миллион сўмгача пул олиб, уларга қалбаки авиачипта берганини билдирган. Улар пулларни шахсий манфаати йўлида ишлатиб юборган аёлга нисбатан чора кўришни сўраган.
Ушбу ҳолат бўйича туман ИИБ ҳузуридаги Тергов бўлими томонидан Жиноят кодексининг 168-моддаси (фирибгарлик) 3-қисми билан жиноят иши қўзғатилган.
Аввалроқ Наманганда фуқароларга ажратилган 223,5 миллион сўм имтиёзли кредитни қўлга киритган шахс аниқлангани, Наманганда Қирғизистондаги ўқишини кўчириб бериш учун 5 нафар фуқародан 11,3 минг доллар олган шахс ушлангани тўғрисида хабар берилганди.
Мавзуга доир:
- Фарғонада бирга тадбиркорлик қилишларини айтиб, фуқародан 28 минг доллар олган аёл ушланди
- Хоразмда иссиқхона қуриш учун банкдан 2 млн доллар кредит ажратиб бериш эвазига 80 минг доллар олган шахслар ушланди
- Самарқандда интернет бизнесни ўргатиш ҳамда саёҳатлар ташкил этиш учун фуқаролардан қарийб 30 минг доллар ва 350 млн сўм олган шахслар ушланди
Изоҳ (0)