Namangan viloyati Mingbuloq tumanida fuqarolarga o‘zini aviakassa xodimi sifatida tanishtirib, ularga qalbaki aviachiptalarni sotib kelgan ayol aniqlandi, deb xabar beradi viloyat IIB axborot xizmati.
Ma’lum qilinishicha, 2022-yilning fevral va mart oylarida Norin tumanida yashovchi 25 yoshli ayol Mingbuloq tumani Jomashuy shaharchasida “Aviakassa” ochib, fuqarolarga aviachipta sotib kelgan. 17-mart kuni Mingbuloq tumanida yashovchi 47 yoshli fuqaro va boshqalar tuman IIB boshlig‘i nomiga ariza bilan murojaat qilib, ayol 82 nafar fuqaroning har biridan aviachipta va koronavirus ma’lumotnomasi uchun 2 million so‘mdan 3,5 million so‘mgacha pul olib, ularga qalbaki aviachipta berganini bildirgan. Ular pullarni shaxsiy manfaati yo‘lida ishlatib yuborgan ayolga nisbatan chora ko‘rishni so‘ragan.
Ushbu holat bo‘yicha tuman IIB huzuridagi Tergov bo‘limi tomonidan Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilgan.
Avvalroq Namanganda fuqarolarga ajratilgan 223,5 million so‘m imtiyozli kreditni qo‘lga kiritgan shaxs aniqlangani, Namanganda Qirg‘izistondagi o‘qishini ko‘chirib berish uchun 5 nafar fuqarodan 11,3 ming dollar olgan shaxs ushlangani to‘g‘risida xabar berilgandi.
Mavzuga doir:
- Farg‘onada birga tadbirkorlik qilishlarini aytib, fuqarodan 28 ming dollar olgan ayol ushlandi
- Xorazmda issiqxona qurish uchun bankdan 2 mln dollar kredit ajratib berish evaziga 80 ming dollar olgan shaxslar ushlandi
- Samarqandda internet biznesni o‘rgatish hamda sayohatlar tashkil etish uchun fuqarolardan qariyb 30 ming dollar va 350 mln so‘m olgan shaxslar ushlandi
Izoh (0)