Наманган вилоятининг Давлатобод туманида фуқароларга ажратилган имтиёзли кредитни қўлга киритган шахсга нисбатан жиноят иши қўзғатилди, деб хабар беради Бош прокуратура ҳузуридаги департамент.
Маълум қилинишича, департаментнинг Давлатобод туман бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган. Текширув давомида муқаддам фирибгарлик жинояти учун судланган К.Б. 8 нафар фуқаронинг ишончига кириб, уларга банк муассасасидан ажратилган 223,5 миллион сўм имтиёзли кредит маблағини фирибгарлик йўли билан қўлга киритгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Зангиотада 5,9 миллиард сўм имтиёзли кредит маблағларини талон-торож қилган раҳбарлар аниқлангани, Самарқандда ўзгалар номига 156 миллион сўм кредит расмийлаштирган собиқ банк ходимига жиноят иши очилгани тўғрисида хабар берилганди.
Мавзуга доир:
Изоҳ (0)