Шавкат Мирзиёевнинг 5 апрель куни халқ таълимидаги ишларга бағишланган йиғилишида республика бўйича 1 минг 526 та мактаб болалар тарбияси, давомат, маънавий муҳит бўйича «қизил» тоифага киритилгани таъкидланди. Бу ҳақда Президент матбуот котиби хабар қилди.
Қайд этилишича, Тошкент шаҳридаги 69 та мактаб, Сурхондарёда 169 та ва Қорақалпоғистонда 128 та, Сирдарёда 54 та, Фарғонада 162 та, Тошкент вилоятидаги 147 та мактабларда муҳит қониқарсиз деб топилган.
«Бу туман ва шаҳар ҳокимлари мактаб масалалари ичига умуман кирмаганидан далолат. Январда ўтган селектордан кейин ҳам улар ўзига хулоса қилмаган. Ушбу вилоят, туман ва шаҳар ҳокимларини охирги марта огоҳлантираман. Агар уч ойда ўзгариш бўлмаса, жиддий чора кўрилади.
Бугунги кунда мактабнинг энг катта муаммоси — ўқитиш методикасининг мутлақо эскиргани. Афсуски, мактаб таълими эски қолипдан чиқа олмаяпти», — деган давлат раҳбари.
Эслатиб ўтамиз, Шавкат Мирзиёев йиғилишда халқ таълими соҳасидаги ишлар қониқарсизлиги сабаб вилоят ва туман ҳокимларини кескин танқид қилди. «Вазифаларни, афсуски, ҳамма ҳокимлар ҳам ҳали тўлиқ тушуниб етгани йўқ», — деган давлат раҳбари.
Мавзуга доир:
Изоҳ (0)