АҚШ март ўрталарида гипертовушли ракетани муваффақиятли синовдан ўтказган, бироқ Россия билан кескинликнинг ортишига йўл қўймаслик мақсадида буни сир тутишга қарор қилинган. Бу ҳақда CNN телеканали АҚШ Мудофаа вазирлигидаги амалдорга таяниб, хабар берди.
Телеканал манбасининг айтишича, гипертовушли ракета (Hypersonic Air-breathing Weapon Concept, HAWC) АҚШнинг ғарбий соҳилларидан B-52 бомбардимончиси ёрдамида учирилган. Ракета парвозининг узоқлиги қарийб 482 километрни, баландлиги 20 километр, тезлиги 5 махни (6,1 минг километр/соат) ташкил этган. Ҳатто минимал гипертовуш тезлиги (611 километр/соат) 300 мил масофани 5 дақиқада босиб ўтиш имконини беради.
Синовлар Москва Украинадаги махсус операция вақтида ўзининг «Кинжал» номли гипертовушли ракетасидан фойдаланганини маълум қилганидан бир неча кун ўтиб ўтказилган. Россия қўшинлари ушбу ракета ёрдамида Украина ғарбий қисмидаги жанговар ўқ-дорилар омборини яксон қилган.
Россия қўшинлари «Кинжал»дан Украинадаги махсус операцияда 19 март куни фойдаланган. Мудофаа вазирлиги Украина кучларининг «йирик ерости ракета ва ўқ-дори омборлари йўқ қилинганини» маълум қилган. Идора Украина Қуролли кучларига қарши «Кинжал»дан фойдаланиш давом этишини, унинг қўлланилиши «рақибнинг юқори ҳимояли махсус объектларини яксон этишда самара кўрсатганини» таъкидлаган.
«Бунга ўйин қоидасини ўзгартириш сифатида қарамаган бўлардим», — деганди ўшанда АҚШ мудофаа вазири Ллойд Остин.
Эслатиб ўтамиз, «Кинжал» янги авиацион комплекси ҳақида (ракета ва у билан зарба берувчи МиФ-31Г қирувчи самолёти) Россия президенти Владимир Путин 2018 йил 18 мартда ўтган Федерал мажлис вакилларига қилган мурожаатида гапирганди. Авиакомплекснинг имкониятлари илк бор 2019 йил августида «Авиадарц» танловида намойиш қилинган.
Изоҳ (0)